parveen shakir August 01, 2019

parveen shakir

Parveen Shakir Poetry

Intro: She is an Urdu poet. She is born in Karachi in 1952.

She buried in Islamabad.

پروین شاکر 24نومبر 1954 ء کو پاکستان کے شہر کراچی میں پیدا ہوئیں۔ آپ کو اردو کی منفرد لہجے کی شاعرہ ہونے کی وجہ سے بہت ہی کم عرصے میں وہ شہرت حاصل ہوئی جو بہت کم لوگوں کو حاصل ہوپاتی ہے۔ انگریزی ادب اور زبانی دانی میں گریجویشن کیا اور بعد میں انہی مضامین میں جامعہ کراچی سے ایم اے کی ڈگری حاصل کی۔ پروین شاکر استاد کی حیثیت سے درس و تدریس کے شعبہ سے وابستہ رہیں اور پھر بعد میں آپ نے سرکاری ملازمت اختیار کر لی۔ سرکاری ملازمت شروع کرنے سے پہلے نو سال شعبہ تدریس سے منسلک رہیں، اور 1986ء میں کسٹم ڈیپارٹمنٹ ، سی۔بی۔آر اسلام آباد میں سیکرٹری دوئم کے طور پر اپنی خدمات انجام دینے لگیں۔1990 میں ٹرینٹی کالج جو کہ امریکہ سے تعلق رکھتا تھا تعلیم حاصل کی اور 1991ء میں ہاورڈ یونیورسٹی سے پبلک ایڈمنسٹریشن میں ماسٹرز کی ڈگری حاصل کی۔ پروین کی شادی ایک ڈاکٹر نصیر علی سے ہوئی جس سے بعد میں طلاق لے لی۔ 26 دسمبر 1994ء کو ٹریفک کے ایک حادثے میں اسلام آباد میں ، بیالیس سال کی عمر میں مالک حقیقی سے جا ملیں۔ ان کے بیٹے کا نام مراد علی ہے۔ انکی شاعری کا موضوع محبت اور

عورت ہے۔ خوشبو، صدبرگ، خودکلامی، انکار اور ماہ تمام مجموعہ کلام ہیں

دھوپ سات رنگوں میں پھیلتی ہے آنکھوں پر

Poet: Parveen Shakir

دھوپ سات رنگوں میں پھیلتی ہے آنکھوں پر
برف جب پگھلتی ہے اس کی نرم پلکوں پر

پھر بہار کے ساتھی آ گئے ٹھکانوں پر
سرخ سرخ گھر نکلے سبز سبز شاخوں پر

جسم و جاں سے اترے گی گرد پچھلے موسم کی
دھو رہی ہیں سب چڑیاں اپنے پنکھ چشموں پر

ساری رات سوتے میں مسکرا رہا تھا وہ
جیسے کوئی سپنا سا کانپتا تھا ہونٹوں پر

تتلیاں پکڑنے میں دور تک نکل جانا
کتنا اچھا لگتا ہے پھول جیسے بچوں پر

لہر لہر کرنوں کو چھیڑ کر گزرتی ہے
چاندنی اترتی ہے جب شریر جھرنوں پر

کو بہ کو پھیل گئی بات شناسائی کی

Poet: Parveen Shakir

کو بہ کو پھیل گئی بات شناسائی کی
اس نے خوشبو کی طرح میری پذیرائی کی

کیسے کہہ دوں کہ مجھے چھوڑ دیا ہے اس نے
بات تو سچ ہے مگر بات ہے رسوائی کی

ہ کہیں بھی گیا لوٹا تو مرے پاس آیا
بس یہی بات ہے اچھی مرے ہرجائی کی

تیرا پہلو ترے دل کی طرح آباد رہے
تجھ پہ گزرے نہ قیامت شب تنہائی کی

اس نے جلتی ہوئی پیشانی پہ جب ہاتھ رکھا
روح تک آ گئی تاثیر مسیحائی کی

اب بھی برسات کی راتوں میں بدن ٹوٹتا ہے
جاگ اٹھتی ہیں عجب خواہشیں انگڑائی کی

اپنی ہی صدا سنوں کہاں تک

Poet: Parveen Shakir

اپنی ہی صدا سنوں کہاں تک
جنگل کی ہوا رہوں کہاں تک

ہر بار ہوا نہ ہوگی در پر
ہر بار مگر اٹھوں کہاں تک

دم گھٹتا ہے گھر میں حبس وہ ہے
خوشبو کے لئے رکوں کہاں تک

پھر آ کے ہوائیں کھول دیں گی
زخم اپنے رفو کروں کہاں تک

ساحل پہ سمندروں سے بچ کر
میں نام ترا لکھوں کہاں تک

تنہائی کا ایک ایک لمحہ
ہنگاموں سے قرض لوں کہاں تک

گر لمس نہیں تو لفظ ہی بھیج
میں تجھ سے جدا رہوں کہاں تک

سکھ سے بھی تو دوستی کبھی ہو
دکھ سے ہی گلے ملوں کہاں تک

منسوب ہو ہر کرن کسی سے
اپنے ہی لیے جلوں کہاں تک

آنچل مرے بھر کے پھٹ رہے ہیں
پھول اس کے لئے چنوں کہاں تک

خیال و خواب ہوا برگ و بار کا موسم

Poet: Parveen Shakir

خیال و خواب ہوا برگ و بار کا موسم
بچھڑ گیا تری صورت بہار کا موسم

کئی رتوں سے مرے نیم وا دریچوں میں
ٹھہر گیا ہے ترے انتظار کا موسم

وہ نرم لہجے میں کچھ تو کہے کہ لوٹ آئے
سماعتوں کی زمیں پر پھوار کا موسم

پیام آیا ہے پھر ایک سرو قامت کا
مرے وجود کو کھینچے ہے دار کا موسم

وہ آگ ہے کہ مری پور پور جلتی ہے

مرے بدن کو ملا ہے چنار کا موسم

رفاقتوں کے نئے خواب خوش نما ہیں مگر

گزر چکا ہے ترے اعتبار کا موسم

ہوا چلی تو نئی بارشیں بھی ساتھ آئیں

زمیں کے چہرے پہ آیا نکھار کا موسم

وہ میرا نام لیے جائے اور میں اس کا نام

لہو میں گونج رہا ہے پکار کا موسم

قدم رکھے مری خوشبو کہ گھر کو لوٹ آئے

کوئی بتائے مجھے کوئے یار کا موسم

وہ روز آ کے مجھے اپنا پیار پہنائے

مرا غرور ہے بیلے کے ہار کا موسم

ترے طریق محبت پہ بارہا سوچا

یہ جبر تھا کہ ترے اختیار کا موسم

ٹوٹی ہے میری نیند مگر تم کو اس سے کیا

Poet: Parveen Shakir

ٹوٹی ہے میری نیند مگر تم کو اس سے کیا
بجتے رہیں ہواؤں سے در تم کو اس سے کیا

تم موج موج مثل صبا گھومتے رہو
کٹ جائیں میری سوچ کے پر تم کو اس سے کیا

اوروں کا ہاتھ تھامو انہیں راستہ دکھاؤ

میں بھول جاؤں اپنا ہی گھر تم کو اس سے کیا

ابر گریز پا کو برسنے سے کیا غرض
سیپی میں بن نہ پائے گہر تم کو اس سے کیا

لے جائیں مجھ کو مال غنیمت کے ساتھ عدو
تم نے تو ڈال دی ہے سپر تم کو اس سے کیا

تم نے تو تھک کے دشت میں خیمے لگا لیے

تنہا کٹے کسی کا سفر تم کو اس سے کیا

پورا دکھ اور آدھا چاند

Poet: Parveen Shakir

پورا دکھ اور آدھا چاند
ہجر کی شب اور ایسا چاند

دن میں وحشت بہل گئی
رات ہوئی اور نکلا چاند

کس مقتل سے گزرا ہوگا
اتنا سہما سہما چاند

یادوں کی آباد گلی میں

گھوم رہا ہے تنہا چاند

میری کروٹ پر جاگ اٹھے
نیند کا کتنا کچا چاند

میرے منہ کو کس حیرت سے
دیکھ رہا ہے بھولا چاند

اتنے گھنے بادل کے پیچھے
کتنا تنہا ہوگا چاند

آنسو روکے نور نہائے
دل دریا تن صحرا چاند

اتنے روشن چہرے پر بھی

سورج کا ہے سایا چاند

جب پانی میں چہرہ دیکھا
تو نے کس کو سوچا چاند

برگد کی اک شاخ ہٹا کر
جانے کس کو جھانکا چاند

بادل کے ریشم جھولے میں
بھور سمے تک سویا چاند

رات کے شانے پر سر رکھے
دیکھ رہا ہے سپنا چاند

سوکھے پتوں کے جھرمٹ پر

شبنم تھی یا ننھا چاند

ہاتھ ہلا کر رخصت ہوگا
اس کی صورت ہجر کا چاند

صحرا صحرا بھٹک رہا ہے
اپنے عشق میں سچا چاند

رات کے شاید ایک بجے ہیں

سوتا ہوگا میرا چاند

گئے موسم میں جو کھلتے تھے گلابوں کی طرح

Poet: Parveen Shakir

گئے موسم میں جو کھلتے تھے گلابوں کی طرح
دل پہ اتریں گے وہی خواب عذابوں کی طرح

راکھ کے ڈھیر پہ اب رات بسر کرنی ہے
جل چکے ہیں مرے خیمے مرے خوابوں کی طرح

ساعت دید کہ عارض ہیں گلابی اب تک
اولیں لمحوں کے گلنار حجابوں کی طرح

وہ سمندر ہے تو پھر روح کو شاداب کرے
تشنگی کیوں مجھے دیتا ہے سرابوں کی طرح

غیر ممکن ہے ترے گھر کے گلابوں کا شمار

میرے رستے ہوئے زخموں کے حسابوں کی طرح

یاد تو ہوں گی وہ باتیں تجھے اب بھی لیکن
شیلف میں رکھی ہوئی بند کتابوں کی طرح

کون جانے کہ نئے سال میں تو کس کو پڑھے
تیرا معیار بدلتا ہے نصابوں کی طرح

شوخ ہو جاتی ہے اب بھی تری آنکھوں کی چمک
گاہے گاہے ترے دلچسپ جوابوں کی طرح

ہجر کی شب مری تنہائی پہ دستک دے گی

تیری خوش بو مرے کھوئے ہوئے خوابوں کی طرح

وہ ہم نہیں جنہیں سہنا یہ جبر آ جاتا

Poet: Parveen Shakir

وہ ہم نہیں جنہیں سہنا یہ جبر آ جاتا
تری جدائی میں کس طرح صبر آ جاتا

فصیلیں توڑ نہ دیتے جو اب کے اہل قفس
تو اور طرح کا اعلان جبر آ جاتا

وہ فاصلہ تھا دعا اور مستجابی میں

کہ دھوپ مانگنے جاتے تو ابر آ جاتا

وہ مجھ کو چھوڑ کے جس آدمی کے پاس گیا
برابری کا بھی ہوتا تو صبر آ جاتا

وزیر و شاہ بھی خس خانوں سے نکل آتے

اگر گمان میں انگار قبر آ جاتا

وہ تو خوش بو ہے ہواؤں میں بکھر جائے گا

Poet: Parveen Shakir

وہ تو خوش بو ہے ہواؤں میں بکھر جائے گا
مسئلہ پھول کا ہے پھول کدھر جائے گا

ہم تو سمجھے تھے کہ اک زخم ہے بھر جائے گا
کیا خبر تھی کہ رگ جاں میں اتر جائے گا

وہ ہواؤں کی طرح خانہ بجاں پھرتا ہے
ایک جھونکا ہے جو آئے گا گزر جائے گا

وہ جب آئے گا تو پھر اس کی رفاقت کے لیے
موسم گل مرے آنگن میں ٹھہر جائے گا

آخرش وہ بھی کہیں ریت پہ بیٹھی ہوگی
تیرا یہ پیار بھی دریا ہے اتر جائے گا

مجھ کو تہذیب کے برزخ کا بنایا وارث

جرم یہ بھی مرے اجداد کے سر جائے گا

ہوائے تازہ میں پھر جسم و جاں بسانے کا

Poet: Parveen Shakir

ہوائے تازہ میں پھر جسم و جاں بسانے کا
دریچہ کھولیں کہ ہے وقت اس کے آنے کا

اثر ہوا نہیں اس پر ابھی زمانے کا
یہ خواب زاد ہے کردار کس فسانے کا

کبھی کبھی وہ ہمیں بے سبب بھی ملتا ہے
اثر ہوا نہیں اس پر ابھی زمانے کا

ابھی میں ایک محاذ دگر پہ الجھی ہوں
چنا ہے وقت یہ کیا مجھ کو آزمانے کا

کچھ اس طرح کا پر اسرار ہے ترا لہجہ

کہ جیسے رازکشا ہو کسی خزانے کا

ہم نے ہی لوٹنے کا ارادہ نہیں کیا

Poet: Parveen Shakir

ہم نے ہی لوٹنے کا ارادہ نہیں کیا
اس نے بھی بھول جانے کا وعدہ نہیں کیا

دکھ اوڑھتے نہیں کبھی جشن طرب میں ہم
ملبوس دل کو تن کا لبادہ نہیں کیا

جو غم ملا ہے بوجھ اٹھایا ہے اس کا خود
سر زیر بار ساغر و بادہ نہیں کیا

کار جہاں ہمیں بھی بہت تھے سفر کی شام
اس نے بھی التفات زیادہ نہیں کیا

آمد پہ تیری عطر و چراغ و سبو نہ ہوں

اتنا بھی بود و باش کو سادہ نہیں کیا

ہوا مہک اٹھی رنگ چمن بدلنے لگا

Poet: Parveen Shakir

ہوا مہک اٹھی رنگ چمن بدلنے لگا
وہ میرے سامنے جب پیرہن بدلنے لگا

بہم ہوئے ہیں تو اب گفتگو نہیں ہوتی
بیان حال میں طرز سخن بدلنے لگا

اندھیرے میں بھی مجھے جگمگا گیا ہے کوئی
بس اک نگاہ سے رنگ بدن بدلنے لگا

ذرا سی دیر کو بارش رکی تھی شاخوں پر
مزاج سوسن و سرو و سمن بدلنے لگا

فراز کوہ پہ بجلی کچھ اس طرح چمکی

لباس وادی و دشت و دمن بدلنے لگا

قدموں میں بھی تکان تھی گھر بھی قریب تھا

Poet: Parveen Shakir

قدموں میں بھی تکان تھی گھر بھی قریب تھا
پر کیا کریں کہ اب کے سفر ہی عجیب تھا

نکلے اگر تو چاند دریچے میں رک بھی جائے
اس شہر بے چراغ میں کس کا نصیب تھا

آندھی نے ان رتوں کو بھی بے کار کر دیا
جن کا کبھی ہما سا پرندہ نصیب تھا

کچھ اپنے آپ سے ہی اسے کشمکش نہ تھی
مجھ میں بھی کوئی شخص اسی کا رقیب تھا

پوچھا کسی نے مول تو حیران رہ گیا
اپنی نگاہ میں کوئی کتنا غریب تھا

مقتل سے آنے والی ہوا کو بھی کب ملا

ایسا کوئی دریچہ کہ جو بے صلیب تھا

کیا کرے میری مسیحائی بھی کرنے والا

Poet: Parveen Shakir

کیا کرے میری مسیحائی بھی کرنے والا
زخم ہی یہ مجھے لگتا نہیں بھرنے والا

زندگی سے کسی سمجھوتے کے با وصف اب تک
یاد آتا ہے کوئی مارنے مرنے والا

اس کو بھی ہم ترے کوچے میں گزار آئے ہیں
زندگی میں وہ جو لمحہ تھا سنورنے والا

اس کا انداز سخن سب سے جدا تھا شاید
بات لگتی ہوئی لہجہ وہ مکرنے والا

شام ہونے کو ہے اور آنکھ میں اک خواب نہیں
کوئی اس گھر میں نہیں روشنی کرنے والا

دسترس میں ہیں عناصر کے ارادے کس کے
سو بکھر کے ہی رہا کوئی بکھرنے والا

اسی امید پہ ہر شام بجھائے ہیں چراغ

ایک تارا ہے سر بام ابھرنے والا

گواہی کیسے ٹوٹتی معاملہ خدا کا تھا

Poet: Parveen Shakir

گواہی کیسے ٹوٹتی معاملہ خدا کا تھا
مرا اور اس کا رابطہ تو ہاتھ اور دعا کا تھا

گلاب قیمت شگفت شام تک چکا سکے
ادا وہ دھوپ کو ہوا جو قرض بھی صبا کا تھا

بکھر گیا ہے پھول تو ہمیں سے پوچھ گچھ ہوئی
حساب باغباں سے ہے کیا دھرا ہوا کا تھا

لہو چشیدہ ہاتھ اس نے چوم کر دکھا دیا
جزا وہاں ملی جہاں کہ مرحلہ سزا کا تھا

جو بارشوں سے قبل اپنا رزق گھر میں بھر چکا

وہ شہر مور سے نہ تھا پہ دوربیں بلا کا تھا

میں فقط چلتی رہی منزل کو سر اس نے کیا

Poet: Parveen Shakir

میں فقط چلتی رہی منزل کو سر اس نے کیا
ساتھ میرے روشنی بن کر سفر اس نے کیا

اس طرح کھینچی ہے میرے گرد دیوار خبر
سارے دشمن روزنوں کو بے نظر اس نے کیا

مجھ میں بستے سارے سناٹوں کی لے اس سے بنی
پتھروں کے درمیاں تھی نغمہ گر اس نے کیا

بے سر و ساماں پہ دل داری کی چادر ڈال دی
بے در و دیوار تھی میں مجھ کو گھر اس نے کیا

پانیوں میں یہ بھی پانی ایک دن تحلیل تھا
قطرۂ بے صرفہ کو لیکن گہر اس نے کیا

ایک معمولی سی اچھائی تراشی ہے بہت
اور فکر خام سے صرف نظر اس نے کیا

پھر تو امکانات پھولوں کی طرح کھلتے گئے
ایک ننھے سے شگوفے کو شجر اس نے کیا

طاق میں رکھے دیے کو پیار سے روشن کیا

اس دیے کو پھر چراغ رہ گزر اس نے کیا

چراغ راہ بجھا کیا کہ رہ نما بھی گیا

Poet: Parveen Shakir

چراغ راہ بجھا کیا کہ رہ نما بھی گیا
ہوا کے ساتھ مسافر کا نقش پا بھی گیا

میں پھول چنتی رہی اور مجھے خبر نہ ہوئی
وہ شخص آ کے مرے شہر سے چلا بھی گیا

بہت عزیز سہی اس کو میری دل داری
مگر یہ ہے کہ کبھی دل مرا دکھا بھی گیا

اب ان دریچوں پہ گہرے دبیز پردے ہیں
وہ تانک جھانک کا معصوم سلسلہ بھی گیا

سب آئے میری عیادت کو وہ بھی آیا تھا
جو سب گئے تو مرا درد آشنا بھی گیا

یہ غربتیں مری آنکھوں میں کیسی اتری ہیں

کہ خواب بھی مرے رخصت ہیں رتجگا بھی گیا

چلنے کا حوصلہ نہیں رکنا محال کر دیا

Poet: Parveen Shakir

چلنے کا حوصلہ نہیں رکنا محال کر دیا
عشق کے اس سفر نے تو مجھ کو نڈھال کر دیا

اے مری گل زمیں تجھے چاہ تھی اک کتاب کی
اہل کتاب نے مگر کیا ترا حال کر دیا

ملتے ہوئے دلوں کے بیچ اور تھا فیصلہ کوئی
اس نے مگر بچھڑتے وقت اور سوال کر دیا

اب کے ہوا کے ساتھ ہے دامن یار منتظر
بانوئے شب کے ہاتھ میں رکھنا سنبھال کر دیا

ممکنہ فیصلوں میں ایک ہجر کا فیصلہ بھی تھا
ہم نے تو ایک بات کی اس نے کمال کر دیا

میرے لبوں پہ مہر تھی پر میرے شیشہ رو نے تو
شہر کے شہر کو مرا واقف حال کر دیا

چہرہ و نام ایک ساتھ آج نہ یاد آ سکے
وقت نے کس شبیہ کو خواب و خیال کر دیا

مدتوں بعد اس نے آج مجھ سے کوئی گلہ کیا

منصب دلبری پہ کیا مجھ کو بحال کر دیا

information 0

Peer e Kamil By Umera Ahmad	Read: Peere Kamil
Amar Bel	Read online: Amar bail
Umeed Aur Mohabbat	Read online: Umeed aur Mohabbat
La Hasil	Read online: La Hasil
Mane Khabboo ka Shajar Dekha ha	Read online: Mane Khabboo ka Shajar Dekha ha
Meri Zaat zara benishan	Read online: Meri Zaat zara benishan
Qaid e Tanhai	Read online: Qaid e Tanhai
Shehar e Zaat	Read online: Shehar e Zaat
Ye jo subah ka ik sitara ha	Read online: Ye jo subah ka ik sitara ha
Koi lamha khuaab ni hota	Read online: Koi lamha khuaab ni hota

Harf Harf haqeeqat	Wasif Ali Wasif	Read
Kiran Kiran Sooraj	Wasif Ali Wasif	Read
Katra Katra Kulzum	Wasif Ali Wasif	Read
Allah mohabat ha	Haya Resham	Read
Alah Mohabat Ar Banda	Dr Asif Mahmood	Read
Aokia Karaam	Shahid Nazeer Chaudry	Read

Fathullah ul ahad Sharh Al Adab ul Mufrad By Maulana Mufti Ahmad Khanpuri	Read Online
Mahmood ul Fatawa New By Maulana Mufti Ahmad Khanpuri محمود الفتاوی جدید	Read Online
Husn e Khatma By Mufti Shuaibullah Khan Miftahi حسن خاتمہ	Read Online
Anwaar e Hajj o Umrah By Mufti Muhammad Salman Zahid انوار حج و عمرہ	Read Online
Kitab un Nahwa By Maulana Qari Abdur Rahman Amritsari کتاب النحو	Read Online
Kitab us Sarf By Maulana Qari Abdur Rahman Amritsari کتاب الصرف	Read Online
Deen e Rahmat By Maulana Shah Moinuddin Ahmad Nadvi دین رحمت	Read Online
Islam aur Daor e Hazir kay Shubhaat o Mughaltay By Mufti Muhammad Taqi Usmani اسلام اور دور حاضر کے شبہات و مغالطے	Read Online

Fazail-e-amaal by muhammad zakariyya	Read Online Part 1 Read Online
Fazail a amal part 2	Read Online Part 2
Fazail-e-amaal by muhammad zakariyya	Download
Fazail-e-Darood Sharif by muhammad zakariyya	Read Online
MuntakhabAhadith-Urdu-ByShaykhMuhammad	Read Online
	Read Online
	Read Online
	Read Online

Breaking

Saturday, August 3, 2019

free online urdu novels

Free online Urdu novels

List of novels by Umera Ahmad

Mahmood ul Fatawa New By Maulana Mufti Ahmad Khanpuri محمود الفتاوی جدید

Husn e Khatma By Mufti Shuaibullah Khan Miftahi حسن خاتمہ

Anwaar e Hajj o Umrah By Mufti Muhammad Salman Zahid انوار حج و عمرہ

Kitab un Nahwa By Maulana Qari Abdur Rahman Amritsari کتاب النحو

Kitab us Sarf By Maulana Qari Abdur Rahman Amritsari کتاب الصرف

Deen e Rahmat By Maulana Shah Moinuddin Ahmad Nadvi دین رحمت

Islam aur Daor e Hazir kay Shubhaat o Mughaltay By Mufti Muhammad Taqi Usmani اسلام اور دور حاضر کے شبہات و مغالطے

Thursday, August 1, 2019

parveen shakir

Parveen Shakir Poetry

دھوپ سات رنگوں میں پھیلتی ہے آنکھوں پر

کو بہ کو پھیل گئی بات شناسائی کی

اپنی ہی صدا سنوں کہاں تک

خیال و خواب ہوا برگ و بار کا موسم

ٹوٹی ہے میری نیند مگر تم کو اس سے کیا

پورا دکھ اور آدھا چاند

گئے موسم میں جو کھلتے تھے گلابوں کی طرح

وہ ہم نہیں جنہیں سہنا یہ جبر آ جاتا

وہ تو خوش بو ہے ہواؤں میں بکھر جائے گا

ہوائے تازہ میں پھر جسم و جاں بسانے کا

ہم نے ہی لوٹنے کا ارادہ نہیں کیا

ہوا مہک اٹھی رنگ چمن بدلنے لگا

قدموں میں بھی تکان تھی گھر بھی قریب تھا

کیا کرے میری مسیحائی بھی کرنے والا

گواہی کیسے ٹوٹتی معاملہ خدا کا تھا

میں فقط چلتی رہی منزل کو سر اس نے کیا

چراغ راہ بجھا کیا کہ رہ نما بھی گیا

چلنے کا حوصلہ نہیں رکنا محال کر دیا

Blog Archive

Pages

Recent

Popular

Comments

Blog Archive

Tags

About Me

Categories

Tags

Contact Form